مكالمة قبل اللقاء الأخير …. رحمة الله عليك
روما- محمد يوسف
خلال تظاهرة الحب التى حضرتها اليوم والتى شارك فيها أكثر من مائتي مشيع لجنازة المغفور له بإذن الله فتح الله جمعة اخى وصديقي الذى وافته المنية أول امس الأربعاء 28/12/2022 ,كانت صلاة الجنازة بعيد صلاة الجمعة اليوم الموافق 30/12/2022 فى المركز الإسلامى الكبير فى روما ,والتى حضرها أكثر من ألف مصل إلى جانب المشيعين الذين حضروا الجنازة اليوم فى لمسة حب لإنسان كان رمزا للطيبة وسماحة الخلق صاحب إبتسامة بشوشة لاتنسي ابدا.
خلال مراسم الجنازة تذكرت مكالمته قبل اللقاء الأخير
انا
صباح السعادة فتوح حبيبي كيفك
فتح الله
الحمد لله ياباشا
باقول لحضرتك مش عايز حاجة من مصر
انا مسافر بكرة
انا
حبيبي فتوح ربنا يسعدك يارب تروح وترجع بالسلامة
فتح الله
والله العظيم ياأستاذ محمد انت تؤمر أى حاجة محتاج تبعتها مصر ولو عايز حاجة من مصر اجيبهالك معايا .
انا
ربنا يسعدك يارب حبيب قلبي تروح وترجع بالسلامة يارب
فتح الله
اشوف وشك بخير إن شاء الله
انا
ربنا يوفقك وترجع لنا بالسلامة
كانت هذه المكالمة أواخر شهر يوليو او اوائل شهر أغسطس الماضي
عاد بعدها فتح الله من مصر وتقابلنا فى المسجد الكبير كعادتنا يوم الجمعة كان شاحبا ,سألته انت تعبان قاللى شوية ح اعمل شوية كشوفات وربنا يسهلها ,ودعته وبعد أسبوع دخل فتح الله المستشفي ولم اره غير اليوم بسبب انه كان ممنوع من الزيارة .
رحمة الله عليك يافتح الله وربنا يجعل مثواك الجنة ويجازيك خيرا عن ضحكتك البشوشة التى لن ينساها كل من سعد بلقاك .
تابعونى فى المقال القادم
رافع علم الشواذ فى المركز الثقافي فى روما .
